Era sedença electronica dera Autoritat Catalana de proteccion de Donades ei er espaci virtuau que permet accedir ara informacion, es servicis e es tramits qu’era Autoritat met a dispausicion des ciutadans e des entitats comprenudes en sòn encastre d’accion.
Era APDCAT ei era titulara dera sedença electronica. Er organ responsable dera gestion des contenguts, servicis e tramits accessibles a compdar d’aguesta sedença ei eth Secretariat Generau dera Autoritat.
Canaus d’accès ath servici
Es canaus d’accès as servicis dera Autoritat Catalana de proteccion de Donades son:
- Electronic:
A trauès dera sedença electronica.
- Presenciau:
C/ Gran Via de les Corts Catalanes, 635, 1r estatge, 08010 Barcelona
Entà consultes presenciaus, cau cita prealabla (era peticion s’a hèr per mejan dera sedença electronica , en tot indicar un telefon de contacte).
Eth nòste orari de registre ei de deluns a diuendres, de 9 h a 14 h.
- Atencion telefonica entà consultes:
93 552 78 00 / 012 (de 8:00 a 22:00 h, de deluns a diuendres)
Sistèmes de signatura
Identificacion dera sedença electronica
Era sedença electronica dera Autoritat Catalana de proteccion de Donades s’identifique mejançant un sistèma de signatura electronica basada en un certificat digitau de sagèth electronic de nivèu mejan (CDA-1 SENM), emetut peth Consòrci d’Administracion Dubèrta de Catalonha e qu’identifique eth domeni dera sedença. En aguest certificat, se pòt verificar eth periòde de validitat pendent eth quau eth Consòrci d’Administracion Dubèrta de Catalonha garentís era titularitat deth certificat a nòm dera Autoritat, e tanben es donades der emissor.
Identificacion e autentificacion dera ciutadanetat e es enterpreses: certificats digitaus admetudi
Era sedença electronica dera Autoritat Catalana de proteccion de Donades admet es certificats digitaus emetudi per totes es entitats de certificacion classades peth Consòrci d’Administracion Dubèrta de Catalonha, coma valederes entà identificar era ciutadanetat e es enterpreses deuant des administracions publiques catalanes.