Certificats digitaus emplegadi
En aguesta sedença electronica s’utilizen certificats emetudi pera Agéncia Catalana de Certificacion, damb es finalitats següentes:
- Identificar e garentir era comunicacion segura damb era sedença electronica: certificat de sedença electronica* .
- Identificar e autentificar er exercici dera competéncia ena accion administrativa automatizada: certificat de sagèth d’organ.
Certificats admetudi
Segons era Lei 6/2020, reguladora de determinadi aspèctes des servicis electronics de confidança, un certificat electronic ei un document signat electronicament per un rendedor de servicis de certificacion, que vincule ues donades de verificacion de signatura (clau publica) a un signatari e ne confirme era identitat.
Es certificats digitaus admetudi entà accedir as servicis que s’aufrissen laguens dera sedença electronica son es emetudi pes següentes entitats rendedores de servicis de certificacion:
- Agéncia Catalana de Certificacion
- DNIe
- Fábrica Nacional de Moneda y Timbre (FNMT)
- Camerfirma
- Firmaprofesional
- Asociación Nacional de Fabricantes
- Autoridad de Certificación de la Abogacía
- Agencia Notarial de Certificación
- Autoritat de Certificacion dera Comunitat Valenciana
- Izenpe
Consultatz es ligams de cada entitat entà veir coma obtier eth certificat digitau corresponent.
--
* D’acòrd damb çò qu’establís er article 38.6 dera Lei 40/2015, d’1 d’octobre, de regim juridic deth sector public, entà identificar-se e garentir era seguretat dera comunicacion, quinsevolha sedença electronica a d’utilizar sistèmes de signatura electronica basadi en certificats de dispositiu segur, o mejans equivalenti.
Es certificats digitaus de sedença electronica an era utilitat d’assegurar qu’es relacions des ciutadans se realizen a trauès d’un canau segur e d’un burèu public en linha reconeishut, que non permet era intrusion mauintencionada de tresaus.